أنواع الوحدات فى الكمبوند

عشان تختار صح لازم تكون عارف ايه هى أنواع الوحدات فى الكمبوند بشكل عام

الكمبوند " المجمعات السكنية " متكاملة الخدمات هى أول حاجة بتخطر فى بالنا لما نفكر فى أمان و راحة و رفاهية فى السكن
و هى اللى بتخليك مش محتاج تخرج منها  لأنها بطبيعة الحال فيها كل الخدمات اللى ممكن تحتاجها سواء كانت خدمات او خدمات أمنية أو خدمات طبية أو خدمات تجارية أو حتى الرفاهية الشخصية و الاجتماعية .

بس لما بتدور على كمبوند غالباً ما بتلاقى انواع كتير مختلفة من الوحدات فا ساعات تلاقى الشقق و الفيلات المنفصلة و الفيلات الشبه متصله و التوين هاوس و التاون هاوس.
طيب فى المقال ده هنعرض بقى الأنواع الكتير للوحدات اللى ممكن تلاقيها لما تدور داخل كمبوند

نبتدى بالشقق السكنية :

1- الشقق " Apartments "

دى كلنا عارفينها دى وحدة فى مبنى تحتوى على غرفة أو أكثر كمكان للمعيشة و عادة ما بيكون فيها منافع زى المطبخ و الحمام و اماكن النوم و المعيشة.

2- البنتهاوس " Pent House "

 

دى بقى شقة بتبقى فى أعلى ادوار المبنى و بيبقى ليها ملحق فى سطح المبنى عادة ما بيكون فيه حمام سباحة و تراس و ممكن كمان يحتوى على غرفة و حمام.

3- الدوبليكس " Duplex "

 

دى بقى زى الشقق السكنية بس بتختلف عنها فى انها بتتكون من
دورين متتاليين و متصلين ببعض بسلم داخلى.

---------------------------------------

ندخل فى ثانياً بقى و اللى هى الفيلات :

1- التاون هاوس " Town House "

 

دى بقى فيلات متصلة بحديقة صغيرة ، و المصطلح ده بيدل على منازل جمب بعضها " متجاورة " فى صف مخطط او تطوير عمرانى.

2- التوين هاوس " Twin House "

و دى بتكون فيلا شبه متصله ، بمعنى انه بيتقاسمها 2 سكان بس لكل منهم مدخل خاص و حديقة من 3 جوانب و ملهاش غير جار واحد بس و بيبقى ليها بوابة خاصة.
- يعنى التوين هاوس و التاون هاوس دول نوعين مختلفين من الفيلات و الفيلا هى منزل مستقل و بيبقى ليه حديقة خاصة.

3- الفيلا المنفصلة " Stand Alone Villa "

 

و دى وحدة مستقلة خالص و بيبقى ليها حديقة خاصة و بوابة خاصة بيها و سور يحيط بيها من جميع الجوانب ، و بيكون بداخل الواحدة كل الخدمات السكنية يعنى مطبخ و حمام و غرف معيشة و إستقبال، و عادة ما بيكون الفيلا المستقلة من طابقين أو ثلاثة طوابق.

ما هو التوثيق بالشهر العقارى و ما هى دعوى صحة توقيع

طبعاً إنك توثق عقد ملكية العقار اللى اشتريته ده شئ مهم جداً و لازم تعمله عشان تضمن حقك كمالك جديد للعقار
و عشان تحمى نفسك من التلاعب غير القانونى اللى بيحصل لو العقد غير موثق.
و أكيد أول ما نجيب سيرة التوثيق .. على طوول هنفكر فى التوثيق فى الشهر العقارى و كمان رفع دعوى صحة توقيع

طيب إيه هو بقى التوثيق بالشهر العقارى و إيه هى دعوى صحة توقيع !؟ 

 

نبتدى بالتوثيق فى الشهر العقارى :- 

الشهر العقارى ده بقى عبارة عن جهة قانونية و هى اللى بيتم عن طريقها تسجيل عقود البيع للعقارات داخل سجلات مخصصة فى مكاتب الشهر العقارى اللى بتتبع وزارة العدل ، و بيتم إصدار عقود مشهرة تحت رقم بيتحدد عن طريق المكتب و بيتسمى رقم الشهر و بالرقم ده أصحاب الشأن يقدروا يستخرجوا نسخ من العقد المشهر للبيع فى اى وقت..
و الإجراءات دى مهمة جداً عشان من خلالها عقد الملكية بيبقى أتوثق أمام جهة حكومية تابعة لوزارة العدل و بياخد الصفة القانونية.

نيجى بقى لدعوى صحة التوقيع :-

أم دى فهى عبارة عن دعوى تحفظية بتتعمل عشان تثبت صحة التوقيع اللى على العقد فقط من غير التأكد من فحوى العقد
و ده طبقاً لنص المادة (45) من قانون الإثبات و ده بيتم عن طريق التقاضى أمام المحاكم الجزئية و بترفع من أحد أطراف العقد حيث ان اطراف العقد بيحضروا و يقروا بصحة أو عدم صحة توقيعهم على العقد.

كده إحنا وضحنا الإتنين طيب واحد هيسألنا ايه هو الإجراء الأقوى عشان أوثق عقد ملكية عقارى !؟
-الإجراء الأقوى إثباتاً للملكية هو التوثيق بالشهر العقارى. 

طب بعد ما قولنا التوثيق بالشهر العقارى و قولنا دعوى صحة التوقيع فى نقطة كمان عايزين نلفت النظر إليها

و هى

دعوى صحة و نفاذ

طب ايه الفرق بين دعوى صحة التوقيع و دعوى صحة و نفاذ ؟

الفرق بيتلخص فى النقط دى :-

1- دعوى نفاذ العقد دى بقى بتهدف الي اثبات صحة عقد البيع وقت صدور الحكم
أما دعوى صحة التوقيع دى بتهدف الي اثبات ان التوقيع الذي تحمله ورقة البيع
العرفية صادرة عن البائع.

2- تسجيل دعوى نفاذ العقد تمنع البائع من التصرف في الشيء المبيع او
ترتيب اي حق عليه للغير واذا فعل ذلك فان هذة التصرفات لا تنفذ في حق
المشتري طالما كان تاريخها لاحق لتاريخ تسجيل صحيفة الدعوى , بينما تسجيل
دعوى صحة التوقيع فلا يترتب عليها هذا الاثر الا اذا صدر الحكم في الدعوي
وسجله المشتري وسجل عقد البيع كذلك.

3- يجوز للبائع في دعوى نفاذ العقد ان يطعن بالبطلان او الفسخ او الانفساخ,بينما لا يجوز ذلك في دعوى صحة التوقيع.

خلى بالك و خليك دايماً فى السليم.

و ممكن تطلع على مشاريعنا الآن و تختار عقارك من هنا
 

منتجع تياجو عجيبة بمرسى مطروح

خدمات المنتجع :-

1- 8 حمامات سباحة بمساحات مختلفة .

2- مول تجارى.
3- مناطق ألعاب ترفيهيه للأطفال .
4- مساحات خضراء .
5- شلالات مائيه .

6- جراج خاص لكل شاليه .
7- مسجد .
8- نادى صحى .
9- ملاعب.
10- محطة تحلية وتنقية مياه .

11- صيانه دورية لجميع المرافق ( إدارة مقيمه بالمنتجع طوال العام ).
12- أمن وحراسة 24 ساعة .

المساحات و الاسعار :-

مساحات ( 60 متر - 75 متر - 90 متر - 105 متر )

بأسعار تبدأ من 120,000 جنيه
و بالتقسيط على 4 سنوات بدون فوائد 

مواصفات التشطيب :-


تشطيب سوبرلوكس
1- الحوائط الداخلية من الدهارة الناعمة ودهان البلاستيك .
2- نجارة من الخشب السويدة نمرة 1.
3- كهرباء ماجيك والمفاتيح باتشينو.
4- الأرضيات من السيراميك الفاخر.
5- الحوائط فى المطابخ والحمامات من السيراميك الفاخر .
6- أطقم الحمامات من الأنتاج المحلى من النوع الفاخر.

إحجز وحدتك الآن من هنــــــــــا

 

أهم الأوراق القانونية الخاصة بنقل الملكية لإتمام شراء عقار

 
طبعاً كتير مننا بيتعامل مع السوق العقارى و بيلاقى فيه معاناه و مكسب و خسارة بس كلنا عارفين إن فى بعض الأشخاص أحياناً بيتلاعبوا بالعميل اللى بيشترى العقار و بيعتمدوا فى الموضوع ده على ان معظم العملاء عندهم جهل بالأوراق القانونية اللازمة لنقل ملكية العقار من البائع إلى المشترى
و النوع ده من العملاء كتير شوية ^_^
و عشان كده كان لازم نوضح الأوراق دى و الخطوات القانونية اللى لازم تتبعهوها حتى تنتقل الملكية من بائع العقار إلى المشترى بصورة قانونية سليمة و اللى بيها تضمن حق المشترى و البائع و من غير ما تمس بالحقوق القانونية لأى منهم
المستندات المطلوبة لنقل ملكية الشقق و العقارات
و لازم المشترى يتفق مع البائع إنه يحصل على على المستندات دى او صورة منها :
1- الحصول على عقد بيع ابتدائى من المالك.
2- رفع دعوى صحة توقيع و نفاذ
3- فى حالة وجود أكثر من مالك الحصول على صور من توكيلات الملاك الآخرين.
4- الحصول على توكيل رسمى من المالك بحق البيع لنفسك و للغير.
5- صورة من عقد ملكية الأرض المقام عليها العقار مسجلة بالشهر العقارى
6- صورة من ترخيص عدد الأدوار بالعقار.
بوجود المستندات دى القانون بيضمن لك كمشترى حقك فى العقار و يضمن للبائع ثمن العقار المتفق عليه بالعقد بشكل قانونى سليم. و مبروك عليك العقار :)